Mazal

.Tḥemleḍ tamurt-ik
Tenniḍ : « Idles d aɣarfi »
Tugmeḍ-d tudert-ik
Iwegdud ak d tmetti
Tekkreḍ teskefleḍ-d at zik
S tira zeddigen d tmusni
At n wass-a d tajmilt-ik
Cfan i yat yiḍelli

.Abrid yettawin
Yak nezra yezzi ɣezzif
D win yettalin
Ar taddart (n) tlelli d nnif
Yuzzel yesni-d tiɣaltin
Yegzem tiẓgi d wasif
D irgazen ak d tulawin
Begsen zwin aɣilif

.Necfa-d n wala
Yettwaru neɣ  d timawit
Mazal ar tura
Tesmezhir-ed tmeddit
Yal yiwen akken yufa
Yarẓ-ad asalu (n) tneflit
Imi dayen nemwala
Ilaq aɣ d-gri talwit

.Fiḥel ara d-nales
Yal tirect deg-s akarfa
Ajajiḥ (n) tmes(t)
Iweclim ak d twekka
Azal umeslay d iles
I ssi tettnarni taṛwa
Aqruṛ ad ilmed idles
Tanmirt azul a yemma

.Ssel i tezlitt dag-i.